الأربعاء، 13 يونيو 2012

روايه حبيبتك انثى بشخصيه رجل الفصل الثالث

                         في وقت الفسحه 
( تكتشف لمى انو الدورة جاتها وماتقدر تقوم لانو الثوب اكيد من ورا ملطخ )
بدر : لؤي فسحه وما تطلع اول واحد .. غريبه 
لمى : هاه ؟! لالا مالي نفس اطلع 
بدر يمسك يدها ويسحبها : يلااااااا
لمى : لالا  الله يخليك 
عبدالله : خلاص بنقعد معاك كلنا
بدر : لا مالي صلاح بتقوم يعني بتقوم ( ويسحبها بقوة )
لمى : لاااا الله يخليك ( ويوقفها وثوبها من ورا ملطخ )
(عبدالله يأشر على بدر وبدر يطالع في  ثوبها ويشوف وينصدم )
فيصل وهو يقعدها ع الكرسي : خلاص حصل خير وتراك انتي بين اخوانك بس ليش سويتي كذه ولؤي وينه؟
( عبدالله يديها قارورة مويه وتبدأ تقولهم القصه)
بدر: خلاص شباب مانبي احد يدري بالقصه اوكى ولا نروح فيها 
عبدالله : وثوبها؟! 
فيصل : عبدالله انت بيتك قريب روح وجيب ثوب وتلبسه
عبدالله وهو طالع : اوكى
( فجأة يدخل فؤاد واحد مصري ملقوف  )
بدر : خيرر وش عندك جاي هنا 
فؤاد : هو ايه اللي بيحصل هنا؟
بدر : وش دخلك 
فؤاد مستغرب : لؤي هو بيعيط ليه؟ 
بدر : مالك دخل انت ليش جاي اصلا 
فؤاد : عايز اخد كتاب الحساب 
( فؤاد يحاول يطالع في لمى )
(بدر ياخذ اي كتاب ويرميه بوجهه )
فؤاد : بس ده مش كتاب الحساب
بدر : الا الا ( ويسحبه لبرا الفصل )
( لمى تضحك وهي تبكي )
بدر : يالبااه الضحكه بس 
فيصل : هيه احترم نفسك تراه اخت خوينا وزي اختنا ولازم نستر عليها
بدر : خلاص خلاص واحنا وش سوينا
لمى : خلاص حصل خيرر
( يرجع عبدالله وهو يجري )
عبدالله : واخيرا وصلت اووووف تعب هاه هذا هو الثوب 
فيصل : كفوو والله انك رجال هات ( ويأخذ الثوب من ايده )
بدر : يلا يا اخت لؤي البسي 
( لمى تطالع فيهم )
فيصل : اوووه صح  يلا شباب نطلع برا 
بدر وعبدالله : يلا 
( فيصل يديها الثوب ويخرجون )
(لمى تغير الثوب بسرعة وتحط اللثمة وتفتح الباب )
لمى : خلاص انتهيت

********************************************************************************
                            بعد الفسحة
( دخلو الطلاب يتضاربون كالعادة ولمى مستغربة من الوضع )
فيصل : لا تخافي ترا هذا شي طبيعي 
لمى : اعوذ بالله همجيين
بدر : احلى يالفراشة يعني انتو ماعندكم مضاربات
لمى : لا احنا رقيقات وبنوتات مانتضارب
عبدالله : هههههههااااي العبي على غيرنا والله لمن تزعلو انتو تتحولو لاندرتيكير
لمى مطلعه لسانها : انننننننن ماتضحك
بدر : فديت الانننننننن حقتك
( فجأة يجي واحد يسحب لمى عشان يتضارب معاها )
فيصل وبدر وعبدالله : لاااااااااااااااا
( تطيح لمى ويطيح الشماغ ويبان الشعر )
فؤاد : شفتو انا قلتلكو انها بنت بس انتو مصدقتونيش
( لمى تبكي ويجي فيصل يغطي شعرها )
بدر يدف الولد اللي طيحها : انت ما تستحي ياخي وش تحس فيه صدق انك ابن ....
عبدالله : خلاص يابدر سيبه 
( يدخل الاستاذ عليهم )
الاستاذ : خير خير وش صاير ليش الاصوات هذي؟
فيصل: ولا شي بس شوية هواش
الاستاذ : لؤي !! مين اللي سوا فيك كذه هذا شوية هواش؟؟
واحد يتكلم من اخر الفصل : يا أستاذ هذي بنت مهو بلؤي
الاستاذ : بنت ؟!! ( ويشيل الشماغ من راسها )
عبدالله : استاذ مو زي منت فاكر خلينا نشرح لك
الاستاذ : انتي وش جابك هنا وش تسوين هنا فاهمة ايش يعني انتي بمدرسة اولاد ؟؟ تعالي معايا عند المدير
فيصل : لا يا استاذ تكفى خلينا نشرح لك الموضوع 
الاستاذ :وش تشرحون انتو عارفين وش اللي سويتوه؟؟
لمى تبكي :الله يخليك يااستاذ ابوسك ايدك لا تفضحني الله يخليك
بدر : رح نقولك وش اللي صار
( وبدأو يقولون الحكاية له )
الاستاذ: حن قلبو على لمى وقال اليوم امشيها لك لين نهاية الدوام 
ولا عاد اشوفك هنا فاهمة 
لمى : بس يا استاذ .. 
الاستاذ : بلا بس بلا هم انتي بين اولاد ماارتاح لهذا الشيء
( ويطالع فيها الاستاذ ويتعمق فيها وفيصل يلاحظه ويقاطعه )
فيصل : استاذ ماعندك حصة ؟؟
الاستاذ : هاه ايه ايه صح بس كيف اضمن البنت معاكم 25 طالب مع بنت لحالها
بدر : ياخي هذ زي اختنا مهي اخت لؤي اختنا
الاستاذ :ياخوفي منك انت بس
بدر يبتسم : لالا تخاف انا اول واحد احميها انا سبع ( ويضرب صدره )
( يطلع الاستاذ من الفص ويتجمع الاولاد كلهم على لمى ويبدأو يغازلو فيها)
فيصل وبدر : خلااااص بعدو عنها
( وعبدالله يقوم لمى ويجلسها ورا اخر شي عند الجدار وهو يجلس جمبها عشان يحميها )
احمد : والله وتطورنا صرنا نشوف اخت لؤي عندنا 
عبدالله : وش قصدك 
احمد : لابس يعني صحيح انها تشبه له بس هيا مززة
فيصل : اقول بعد عنها احسن لك ولا اشوفك تطالع فيها فاهم 
احمد يرفع يدينه : خلاص خلاص ماسوينا شي 
لمى : عبدالله 
عبدالله : نعم 
لمى ابغى الحمام ( بهمس )
عبدالله : اووك طيب من عيوني بس اكلم فيصل وبدر
لمى : اوك
عبدالله : فيصل بدر تعالو ابغاكم شوي .. تراها تبغى الحمام 
بدر : طيب نوديها وش عليه
فيصل : ايه اووك
عبدالله : يلا يا لؤي مشينا
( لمى تقوم والشباب كلهم اوووووووه ياحلوة انتي فديت المشية )
بدر يهددهم من ورا
( يوصلو الحمام )
عبدالله : دقيقه اشوف اذا في اي واحد موجود 
( ويدور في الحمام مايلقى احد )
عبدالله : خلاص الوضع امن 
فيصل : انتي خشي واحنا نستناكي هنا ومانخلي احد يدخل
لمى : طيب 
( وتخلص وتغسل يدينها وتطلع )
بدر : خلاص؟؟1
لمى : خلاص 
( ويرجعو الفصل وعلى بال ما هم في طريق الفصل يشوفهم المدير )
المدير : لؤي لؤي
لمى :ياويلي رحت فيها اكيد الحين بيكتشف 
المدير : لؤي تعال 
بدر :ايه هلا نعم استاذ خير وش فيه 
المدير : لؤي ممكن تجي للمكتب معاي ابيك شوي
عبدالله: استاذ لؤي تعبان مايقدر يتكلم حلقه يعوره
المدير : اهاا طيب تعال معاي ابيك توقع على شوية اوراق وتعهدات 
لمى : تعهدات؟؟!!!
المدير : اشوفك تكلمت بس ليش صوتك غريب
فيصل يسحب يد لمى : قلنا لك يا استاذ تعبانه قصدي تعبان لازم نوديه الفصل عشان يرتاح 
المدير : ماتشوف شر يا لؤي 
بدر : الشر مايجيك يا استاذ 
المدير يكلم نفسه : ايش بهم يتصرفون كده اكيد مسووين بلوة اعرفكم انا بس رح اعرف وش هي واوريكم 
لمى :واااه شكرا كنت بروح فيها 
بدر :ايه لازم تشكرينا ضروري تشكرينا
عبدالله يضرب راس بدر :اقول انطم انت ووجهك 
فيصل : خلاص ياشباب بطلو حركات بزرنه
لمى :ههههههههه بزرنه بزران واك واك واااااك 
فيصل : خلاص انتي الثانيه تراك مصختيها 
لمى : طيب اسفة
( دخلو الفصل ودخل استاذ مهدي " هو نفسه اللي عرف انها بنت " )
الاستاذ : السلام عليكم 
الطلاب  : وعليكم السلام 
الاستاذ : هاه كيفك يا اخت لؤي مرتاحه ؟؟
لمى بخجل : ايه الحمدلله 
الطلاب يصفرون : وووووووووووووو احلى ياستاذ خقيت هاه
فيصل يلاحظ نظرات الاستاذ : استاذ ترا الحصة بتخلص ابدأ في الدرس احسن 
الاستاذ : احم احم طيب 
( وكل شويه الاستاذ يسئل لمى انتي فاهمة ولا اعيد )
بدر : استاذ اش معنى لمن جات اخت لؤي تشرح زين واول كنت تقول بالنهاية بعطيكم اوراق مراجعه وتحفظون عساكم ابد مافهمتم
الاستاذ : عيب ياولد اقول احترم نفسك لانزلك عند الادارة الحين 
الطلاب : ووووووه حركات يامهدي والله طلعت عنتر ( وتصفيق )
الاستاذ اقولكم خلاص ( ويضرب الطاولة وتعوره ايده )
(لمى تضحك عليه وهو يخق ع الضحكه وبتسم لا اراديا ويدق الجرس وفجأة يدخل عليهم الاستاذ ويقول لؤي تعال المكتب الحين ضروري )
لمى : ياويلي عرف اني بنت خلاص رحت فيها
الاستاذ : خير عسى ماشر 
المدير معصب : ابيه الحين يجيني بسرعة
فيصل : لؤي اسمعي لا تخافي وخليكي قوية ولا تبكي قدامه عشان مايحس اتفقنا
لمى : وش اللي اتفقنا اكيد عرف اني بنت خلاص الحين بيقول لابوي وابوي يذبحني
فيصل يمسك يدها : لاتخافي لو صار شي احنا معاكي 
المدير : لؤي يلا قدامي الحين 

                                     نهاية الفصل 
******************************************************************************

الثلاثاء، 5 يونيو 2012

روايه حبيبتك انثى بشخصيه رجل الفصل الثاني

                            في وقت العصر
لمى : السلام عليكم
ام خالد : وعليكم السلام
لمى : هاه لؤي كلمك
ام خالد : لا والله
لمى : طيب لقيتي مين يروح المدرسه بداله؟
ام خالد : ايه الحمدلله
لمى : مين؟
(ام خالد تبتسم وتطالع في لمى )
لمى : الله يخليكي قوليلي ميين؟
ام خالد : انتي
لمى منفجعه : انا؟!
ام خالد : ايه انتي
لمى : يما اكيد صار في عقلك شي نسيتي انو انا بنت كيف يصير كذه؟
ام خالد توريها صورتها مع لؤي وهم صغار: شوفي تقدري تفرقي بينكم؟
لمى : اكيد مايبغى له كلام
ام خالد : بس الشبه بينكم كبير واللي ماعاش معاكم مارح مارح يقدر يفرق بينكم
لمى : كيف مافهمت
ام خالد : اسمعي بكره بتغيبي من مدرستك ونلبسك ثوب وشماغ وتروحي مدرسه لؤي
لمى : لااااااااا يما انتي مجنونه مستحيل سوري ما اقدر اسوي كذه
ام خالد : لمى ارجوكي حبيبتي انتي عشاني ولو ابوكي درا انو لؤي انطرد من المدرسه اخاف يصير فيه شي
لمى : والله مادري يما
ام خالد : الله يخليكي لي يا بنتي
لمى : اخاف انكشف
ام خالد : لا تخافين انا بهتم بكل الامور
لمى : طيب
ام خالد تبوس لمى : اممممممممموووااااح الله يخليكي لي ولا يحرمني منك بس مابي احد يدري عن هذا الموضوع ولا حتى جمانه اتفقنا
لمى : اتفقنا
  ******************************************************************************
             في الساعه5 فجرا من اليوم الثاني
ام خالد بهمس : لمى لمى قومي يلا
لمى : هاه يما ايش في؟
ام خالد : يلا قومي عشان نجهزك ولا نسيتي
لمى : لالا ما نسيت بس اديني خمس دقايق
ام خالد : لا قومي الحين يلا تحركي
لمى : طيب انتي اطلعي وانا الحقك 
ام خالد تسحب يد لمى : لا ماني طالعه الا معاك قومي يلا
سمر تطالع بنص عين : خير ايش في ليش الازعاج  هذا
ام خالد : ولا شي نامي
لمى : نامي يلا لما نبغاكي تقومين ما تقومين ولما مانبغى تقومين
سمر : الحين مو فايقه لك خليني اصحى بعدين واوريكي شغلك
(لمى وام خالد طلعو من الغرفه عشان تتجهز لمى)
ام خالد : الله كأني شايفه لؤي قدامي
لمى : يما حاسه نفسي بويه
ام خالد : طول عمري وانا اكره البويات بس الحين بقولك صيري زيهم
( سمر قامت وراحت تمشي بشويش عشان تشوف وش يسوون )
سمر : لؤي؟!! ياحيوان وامي قلقانه عليك الحين تجي وبكل برود تضحك والله انك مو ذريه صالحه
( ام خالد ولمى طالعو في بعض وضحكو )
سمر : خير ان شاء الله تضحكون على ايش صدق نفرات مافي مخ على قوله كوشنار
لمى : هذه انا لمى ياهبله
سمر مفجوعه : ايش ؟! وكيف ؟ وليش؟
لمى تضحك : هههههههه كيف اشبهه موو؟؟
سمر : والله انك نسخه طبق الاصل منه كأنك لؤي بس فيك ملامح الانوثه لسه
لمى : اكيد عشان بنوته حلوة وتوته
ام خالد : خلاص دام سمر ماعرفتك اكيد يعني تقدري تخدعي البقيه وبسهوله
سمر: البقيه ؟؟!! Oh My God يعني بتروحين مدرسه لؤي؟؟!! 
لمى : عليكي نوور
سمر : والله مو مصدقه اكيد احلم صح انا قاعده احلم
ام خالد : سمر حبيبي يلا روحي اتجهزي وصحي فهودي وقولي ل سورا انها تسوي فطور
سمر : من عيوني يا عيوني
لمى الحمدلله والشكر ( بصوت رجالي )
سمر : احلى ياولللللد نفسي ارقمك الحين 
لمى : هههههه اقول روحي اذلفي الحين لا اتطوى ببطنك
سمر : تضحك وتجري : امممممموواااااح يامززه انتي
ام خالد : هاه جاهزة؟
لمى : ان شاء الله 
ام خالد : يالله توكلنا على الله
  ******************************************************************************
                            في السياره 
( لمى وسمر جايين للسياره )
فهد وكشونار بدهشه : لؤي ؟؟!!
( سمر ولمى طالعو في بعض وضحكو )
لمى تهمس لسمر : خليني العب عليهم واشوف اذا اقدر ولا لا
لمى بصوت رجالي : احم احم ايش فيكم يعني مش مصدقين 
فهد : الحمدلله والله بغيت تجلط امي يا اهبل
لمى تجمع يدها على شكل بوكس : مين الاهبل؟
فهد يدخل السياره : لالا ولا احد
(لمى تغمز لسمر وتركب السياره قدام وسمر وفهد يركبون ورا )
كوشنار : لمى وين 
سمر: وش دخلك 
كوشنار : يأني مافي روه؟ " يعني مافي روح " 
سمر : ايو يلا امشي تاخرنا
فهد يطالع في لؤي ومستغرب : لؤي ايش بك احسك متغير
لمى : خافت وتوترت :يعني وش قصدك " بصوت رجالي "
فهد : لا بس ما اخذت سيارتك ولا انت نايم احسك انسان ثاني مو لؤي اللي اعرفه
سمر تضرب فهد على راسه : انت وش دخلك خليك في حالك احسن لك 
فهد يدلك مكان ماضربته سمر : طيب طيب انتو محد يسولف معاكم
( نزلت سمر ودخلت مدرستها )
( نزل فهد ودخل مدرسته)
كوشنار : لؤي انا في سك " شك " انت مو لؤي انت نفر تاني
لمى بصوت رجالي : اقول لا يكثر وصلني وفكني من شرك
كوشنار : استغفر الله العزيم " العظيم " نفر مافي مخ
( وصلت لمى للمدرسه وقلبها بدا يدق من الخوف )
كوشنار : لؤي ايس " ايش " في يلا انزل
لمى بصوت رجالي : هاه طيب طيب ( ونزلت من السياره)
بدر يركض للمى ويحضنها : لؤي ياحيوان وينك مختفي لك اسبوع لا حس ولا خبر 
لمى تبعده عنها : ايه ايه صح كنت مشغول ( بصوت رجالي )
فيصل وعبدالله ينزلون من السياره ويشوفون لمى ويصرخون : لؤي اخبارك يا اهبل 
( لمى خافت وشوي وبتبكي وتقول في نفسها : الله يسامحك يما شوفي وش ورطتيني فيه )
فيصل شاك : لؤي ايش بك مو على بعضك ؟
لمى بصوت رجالي : هاه وش قصدك ؟
فيصل : لابس نحفان زياده واحسك قصرت شوي
بدر : اكيد قصير لانه اول كان يلبس كعب 
( والكل يضحك )
( فيصل لسه شاك ويطالع في لمى ويوقل في نفسه : ياااه مدري لي عندي شعور انه هذا مو لؤي وانها بنت .. لالا اكيد جنيت مستحيل يمكن هو تعبان ولا فيه شي )
( يدق الجرس وتبدا الطوابير )
بدر : لؤي حبيبي اليوم بصف معاك
لمى بصوت رجالي : طيب 
فيصل : لالا انا اللي بصف معاه
بدر : اقول في احلامك واسري هناك انا قلت له قبلك كل تبن وانطم
عبدالله : لا انت ولا انت لؤي بيصف معاي انا ولا وش رأيك لؤي؟
لمى بصوت رجال : خلاص بصف مع عبدالله
( عبدالله يطلع لسانه لبدر وفيصل )
فيصل يهمس لبدر : مو كأن لؤي متغير
بدر : كيف يعني 
فيصل : يعني هادي و يسولف كثير وكل ما احد ناداه يرتجف 
بدر : يمكن عشان له فتره ماداوم وخايف انو المدير يفصله
فيصل : ممكن 
  ******************************************************************************
                       في مدرسه سمر 
سمر : وئام الحقي
وئام : خير عسى ماشر 
سمر : اختي لمى
وئام : وش فيها
سمر : صارت لؤي
وئام : كيف يعني؟
سمر : صاارت لؤي 
وئام : مجنونه انتي لمى كيف صارت لؤي ؟
سمر : يعني لبست ثوب وشماغ وراحت مدرسته وصارت لؤي 
وئام : منجدك؟
سمر : يب يب
وئام : حمااااس والله حماااااااس
سمر : يب
وئام : ليه ماخلوكي انتي 
سمر : عشان ياذكيه انا اصغر منه وما اشبهه واقصر منه بكثير مين اللي بيصدقني 
وئام : اهااا 
  *****************************************************************************
                      في مدرسه لؤي
لمى بصوت رجالي : عبدالله الحين وش علينا؟
عبدالله شكلك نسيت من كثرة الغياب علينا بلاغه
لمى بصوت رجالي : اهاا طيب شكرا
( عبدالله يطالع لمى بنظره استغراب )
لمى تلاحظ نظراته : عبدالله وش فيك 
عبدالله : لا بس بالعاده انت ماتشكر احد
لمى بصوت رجالي : هههههههههههه تعلمت اكون انسان محترم
بدر : انسان محترم ؟! الله يعين
( فيصل يتعمق النظر في وجه لمى .. ولمى تلاحظه وتطالع فيه وبعدين يبتسم لها وجهها يحمر مررره وبعدين يعرف فيصل انها بنت ويطالع قدام )

                   نهاية الفصل الثاني
  *****************************************************************************

السبت، 2 يونيو 2012

روايه انثى بشخصيه رجل الفصل الاول

شكر خــااص لـصديقاتي ( مودا ميمو نوني ميرو ربى )

فتاة بشخصيه رجل والحين نبدا بالتعريف على ابطال الروايه

ابو خالد :- اب عصبي مدير في شركه كثير السفر .
ام خالد :- الام الحنون ذات القلب الطيب المهتمه ربة منزل.
خالد:- الاخ الاكبر يدرس جامعه في امريكا .
نهى:- الاخت الكبرى خلصت ثانوي ومتزوجه وعندها ولد اسمه حمودي.
لؤي :- شاب في ثاني ثانوي مهمل مايحب المدرسه فلاوي وصاحب طلعات ومغازلجي وعصبي وسيم عيونو بني غامق شعرو لين اذنه ويجلجل شعرو وطويل ومعضل شويه ويلبس لبس ضيق عليه ويطلع مرره جنان.
لمى :- تؤام لؤي ثاني ثانوي فلاويه وكلامها كثير بس طيبه وغبيه بامور الحياة بس شاطر بالدراسه بيضا شعرها اسود طويل ونحيفه جسمها حلو وعيونها بني غامق وعينها مكحله ورموشها كثيرة.
سمر :- اولى متوسط كلامها كثير وراعيه مشاكل واذا سويت شي خطا تقعد تعلق عليه وما تنساه ابد حلو بيضا شعرها بني شوكلاته وشويه قصيرة وجسمها حلو وعيونها سودا وكبيرة وانفها طويل
فهد :- اخر العنقود مدلع بمعنى الكلمه رابع ابتدائي وكلامه اكبر منه وعند اصحاب اكبر منه بالعمر.
جمانة :- صديقه لمى الروح بالروح تعرفها من سنه اولى ابتدائي.
بدر:- صديق لؤي من ايام سادس ابتدائي وسيم ومغازلجي ويحب شي اسمه كوره ودخان طويل وابيض وشعرو طويل وحواجبه كثيفه بس تجنن على وجهه وانفه طويل وشفايفه ورديه وسميكه
فيصل :- صديق لؤي برضو حقاني ومايحب احد يغلط على احد ويقول انه بيطلع محامي في المستقبل طويل ونحيف شويه وشعرو اشقر غامق وابيض مايل على وردي وعيونو عسليه
عبدالله:- صديق لؤي طيوووب مرره واللي يشوفه يقول هذا دلخ بس اللي يتعرف عليه يشوف انه في وادي والدلاخه في وادي وحلو واحلى شي فيه ابتسامته تهبل عندو غمازات ولونه قمحي مايل للابيض
احمد:- ثاني ثانوي عدو لؤي اللدود ما يطيق يشوف ودايما هوشات هو ولؤي وطويل ومعضل ومرره ساتيلست يحب يلبس وذوقه مره حلو بكل شي
وليد :- من شلة احمد اعقل واحد فيهم وقلبه طيب وحنون. 
نايف :- من شلة احمد هوا اللامبالي بالشلة دايما يا نايم ياسرحان ولا يهمه اي شي 
وائل :- مجنون الشلة يحب شي اسمه سيارات وأي مهرجان سيارات تلقاه موجود وعندو معلومات عن اي سيارة جديدة
بسام :- خبل الشلة دايما ملاصق لاحمد واي شي احمد يقوله يسويه بدون اي تردد 
استاذ مهدي :- مدرس عربي توه متخرج من الجامعه والطلاب يحبو يتونسو عليه بس حبوب وقلبه طيب
كوشنار :- سواق العايله ملقووف وكلامه كثير بس طيوب ويضحك 
       
********************************************************************************

في يوم الاثنين بدا اليوم كأي يوم عادي 

ام خالد : سمر لمى يلا قومو يلا بناتي الله يرضى عليكم.
سمر : يوووووهـ ياماما خلاص روحي خمس دقايق ونقوم.
ام خالد: خمس دقايق؟؟!! مو انتي اللي قلتي صحيني الساعه خمس ونص؟!
لمى : ماما هي اللي قالت مو انا وش ذنبي الحين تصحيني من عز نومي؟. خلاص بصحى الساعه سته
سمر : اييييه صح نسيت لازم اروح اجهز نفسي اليوم نحنا مسويين حفله سبرايس لابله جواهر
ام خالد : ذبحتينا ابله جواهر وابله جواهر انا نفسي اعرفـ ...
سمر تقاطعها : يا ماما ما اسمح لك كل شي الا ابله جواهر نظر عيني 
ام خالد : قومي بس قومي لا تقعدي تقرقرين .. وانتي لمى الساعه 6 تماما فاهمه مو تقولين 5 دقايق زي بعض الناس ( وتطالع سمر )
لمى : طيب طيب ان شاء الله 
سمر بسخريه : مالت عليكي انقلعي مسويه فيها يعنني مطيعه
لمى وهي ترمي المخده على سمر : اقول سري يلا يا مصخره
سمر وهي تجري للباب : هههههههههههههاااااي ما اصبتي الهدف ( وتطلع لسانها )
لمى ترمي المخده الثانيه على سمر وتجي المخده على سمر وتقول : قــــــووووووول يلا انقلعي وسكري الباب وراكي

                                   **************************************
                            بعد نص ساعه :-

ام خالد : سمر يا سمر سمر
سمر : نعم ماما
ام خالد : روحي صحي لمى الساعه 6 الحين 
سمر :طيب فاصل ونواصل 
ام خالد اقولك روحي صحيها الحين تراني ماني ناقصتك
سمر : ناقصتني ولا زايدتني هههههههههههههااااي
ام خالد : سمر تروحين ولا ..
سمر : ماما ترا انتي المسؤوله لو صار لشعري شي برفع عليكي قضيه 
ام خالد : يلا روحي الحين 
سمر تطلع الدرج وهي تهمهم بكلام 
سمر : قومي قامت قيامتك
لمى : عمى اصبحنا واصبح الملك لله ايش بك تصرخين ؟!
سمر : بسببك امي خلتني اترك شغلي بشعري الحريري يا حيوانه
لمى : طيب طيب قمت يلا روحي كملي شغلك بشعرك الحريري ( تقولها بسخريه )
سمر : اصلا كذه كذه  انا رايحه بدون ما تقوليلي 
لمى : صباح الخير صبايا 
فهد : الحمدلله والشكر صبايا ؟؟!! ماتشوفين رجال قدامك وكمان صبايا؟؟!
لمى : سووري صباح الخير صبايا وشباب
فهد : ايوه خليكي كذه .. ايووووووهـ على طاري السماجه يبا ابغى فلوس ممكن 
ابو خالد : امر تدلل اعطيك كل اللي تبيه 
سمر : ايش المناسبه . امر وتدلل واعطيك كل اللي تبيه . السالفه مو عاجبتني
ابو خالد : عشان انا اليوم عندي طياره وبغيب لمدة اسبوعين 
ام خالد : هذا ابوكم كل يوم سفريات ياخوفي انه يكون متزوج وحده من البنات اللي برا
سمر : ياويلك مني يا بابا لو متزوج نذبحك ونذبحها
ابو خالد يضحك : هههههههههههـ لالا مو كذه بس لازم اسافر عندنا مشروع بامريكا ومنها ازور خالد 
لمى : ماتحسو الطاوله فاضيه اليوم ؟؟؟
فهد : عشان لؤي نايم 
لؤي يحك عيونه : سلام
الكل : وعليكم السلام
فهد : اذكر الحمار فأتاك
لؤي يقبض يده على شكل بوكس ويقول : وش قصدك يعني؟؟
فهد : لالا ولاشي سلامتك
لؤي : ايه احسن خليك كذه شاطر وتسمع الكلام ع العموم يما ماني رايح المدرسه اليوم
ابو خالد : خير خير سلامات ليش
لؤي : مالي نفس اروح 
ابو خالد : مافي لازم تروح باقي لك سنه وتخلص 
لؤي يجلس على الكرسي بقوة : ماني رايح يعني ماني رايح
ابو خالد : اييييش تطول لسانك علي ياولد؟!!!
لؤي : لا ما اطول لساني بس عصبتني وانا ماني رايح عجبك ولا ما عجبك 
ابو خالد يعطي لؤي كف جامد
ام خالد :  ابوو خـالد !!!
لؤي يطالع ابوه بنظرة غضب : انت مو ابوي ولا اعرفك ولا تعرفني ( ويطلع من البيت بسرعه )
ابو خالد : لؤي لؤي تعال هنا يا ابن ...
ام خالد : لؤي يا لؤي يا ولدي
لمى : تركض ورا لؤي : لؤي الله يخليك ارجع خلينا نتفاهم
لؤي : هذا وجهي ان طبيت هذا البيت مرة ثانيه
ابو خالد : يخسي حشا مو ولد خليه عساه مايرجع ( وهو طالع من البيت )
ابو خالد : انا رايح المطار ما ارجع الا بعد اسبوعين اشوفكم على خير
ام خالد : ولؤي ؟؟ 
ابو خالد : خليه يسوي اللي يبغاه زي ماراح زي ما جاا. يلا مع السلامه ( ويطلع )
لمى : ماما لا تقلقين الحين يهدأ لؤي وبيرجع 
سمر : ايوة ماما معاها حق مايقدر على بعادنا
ام خالد : ان شاء الله . يلا بنات روح المدرسه وانا بدق عليه واراضيه 
لمى وسمر: ان شاء الله ماما
لمى : فهد يلا احنا طالعين يلا بسرعه انزل 
فهد : طيب طيب
(نزل فهد وطلع وركب السيارة والبنات ركبو ورا )
سمر تهمس للمى : تهقين يا لمى لؤي بيرجع؟؟ 
لمى : ان شاء الله . وانتي تعرفين انه لؤي عنيد وراسه يابس ويمكن مايرجع 
سمر : ان شاء الله يرجع 
لمى ان شاء الله
( وصلت سمر لمدرستها ونزلت وبعد شوي وصلت لمى لمدرستها ونزلت )
كوشنار : فهد اش في مسكل 
فهد : لؤي اتضارب مع ابوي وقال انه ما رح يرجع البيت لو يموت 
كوشنار : لؤي هزا نفر مافي مخ مساكل كتير لازم ضرب بخيزرانه 
فهد : اقول سوق بلا هرجه ما ل امها داعي
كوشنار : انت هتى مافي مخ لازم ضرب اعوز بالله نفر سيم سيم سيطان 
فهد : اقول لا يكثر ماعندك ماعند جدتي
( وصل فهد للمدرسه ونزل )

************************************************
                                       في مدرسه لمى

جمانه : لمى ايش فيكي اليوم مو على بعضك
لمى : ايه والله . اخوي لؤي اتضارب مع ابوي وطلع من البيت وحلف مايرجع وياخوفي على امي اخاف يصير فيها شي ( وبدأت تبكي )
جمانه وهي تحضنها : خلاص خلاص حصل خير
لمى : تسلمي حبيبتي جمانه ما اعرف كيف بكون من دونك 
جمانه : نحنا هنا لبعض ياقلبي . ايش رايك نغير الموضوع لانه عندي لك موضوع خطيييررر
لمى : وهي تمسح دموعها : ايش قولي لي فرحيني
جمانه : ياعيوني ماتدرين انو جاني عريس؟؟
لمى : منجدك؟؟!! وماتقولي لي يا حيوانه هذي اخرة الصداقه والعشره بيننا
جمانه تضحك : ههههههههههـ لالا مو كذه هو ماتقدم لي بس قالي انو يحبني
لمى تطالع جمانه بسخريه : يحبك ياماما لو يحبك كان دق باب  بيتكم مو الشباك
جمانه : اقول انطمي هو يحبني  وهو حلو وطويل ومعضل ويضييق ثوبه عليه ووجهه جووناااان وابتسامته خقق و ...
تقاطعها لمى : خلاص خلاص طفشتيني من الحين
جمانه : اكيد عشانك مقهورة مني لانك سينقل " بدون حبيب "
لمى: هع هذا اللي ناقصني حبيب ووجع  راس مابـ ... 
يقاطعهم الجرس
جمانه : يووووووهـ ليش هما دايما كذه يقاطعونا اوووووووف
لمى : اقول خلينا نقوم احسن قبل ماتجي ابله نجوى وتفشلنا قدام البنات 

************************************************
                                      في مدرسه سمر 

سمر : الجرس هذا ما سابني بحالي حتى بكوابيسي اشوفك ( وتاشر على الجرس )
وئام : هههههههههههههـ ايه والله  صدقتي بس الحمدلله كلها شويه ونأجز
سمر : نأجز ؟؟!! باقي قدامنا  3 اسابيع واسبوع ونص اختبارات ياعيوني
وئام : طيب كلها 4 اسابيع ونص ونرتاح
( يطالعون في بعض ويضحكون)
الابله : يلا بنات صفو يلا طوابير
وئام : سمر سمر طالعي اليوم وش لابسه فوشي طالع شكلها جونان
سمر : ايه والله س تتذكري ذاك اليوم لما فتحت شعرها ولبست الرسمي الابيض وحطت حومرة كنها مديرة في شركه ياخي خقييييييييييييييت
وئام : والحفله بتكون احلى ياحلو ( تغمز لسمر )
سمر : الله يرج ابليسك يا شيخه 
وئام : احــــم احـــــم

*****************************************************
                                      في مدرسه لمى

جمانه : ركزي في الحصه هاه مو تسرحين
لمى : كيف اركز وانتي قلتي لي مين هو حبيب القلب 
جمانه : كل شي بوقته حلو
لمى : اقوول لا يكثرر بتقولين ولا ادغدغك؟
جمانه : لاااااااااااا طيب طيب بقولك . اسمه بدر مثل القمر لما يكون مكتمل ومضيء في ظلمة الليل ينور حياتي زي ما القمر ينور الدنيا
لمى : هههههههههههههـ وطلعتي مثقفه الله الله يالدنيا امس يغيرون لك الحفاضات واليوم صايره تقولي كلام عشق وغرام
جمانه تضرب لمى : الله يقلعك ياحيوانه شيطانه انتــ ...
تقاطعهم الابله : السلام عليكم
الطالبات : وعليكم السلام
الابله : كيفكم يابنات؟
الطالبات : بخير ( بصوت عالي ) وانتي ؟
الابله : كنت بخير قبل ما تصرخون 
الطالبات : ههههههههـ
الابله : يلا نستذكر درسنا من هو مؤلف كتاب نساء بنظرنا رجال؟؟
الطالبات : ابله ما نبغى حصه 
الابله : حصه ولا فاطمه ؟
الابله والطالبات : هههههههههههههـ
لمى تكلم جمانه بهمس : جوجو
جمانه ترد بهمس : هلا لموشي 
لمى : ايش رايك تجين عندنا البيت يوم الخميس وتوريني نور العين؟
جمانه تضحك : ههههههههههههـ الله يرج ابليسك
الابله : ماشاء الله وش عندكم من ضحك ضحكونا معاكم
لمى : لا ابله سلامتك
الابله : اسكتو وانتبهو معايا 
                                  وخلص الدوام بدون اي مشاكل

******************************************************
                                            في البيت
لمى وسمر : السلام عليكم 
ام خالد : وعليكم السلام . هاه كيف كان يومكم
لمى وسمر : تمام
لمى : هاه لؤي اتصل ؟
ام خالد : لا ما اتصل ولا يرد على اتصالاتي
سمر : رح يرجع لا تخافين
ام خالد : ان شاء الله 
 ( يرن التليفون )
ام خالد : الو 
المدير : الو السلام عليكم 
ام خالد : وعليكم السلام ورحمه الله وبركاته
المدير : هذا بيت الـ ...
ام خالد : ايه اخوي تفضل 
المدير : انتي والدة الطالب لؤي الـ ... ؟؟
ام خالد : ايه نعم عسى ما شر 
المدير : الشر ما يجيك بس ولدك ماداوم مدة 3 اسابيع وحاولت اتواصل معاكم بس مدني ارقام غلط والحين لقيت رقمكم وجوال ابوه مغلق
ام خالد : ايه ابوه مسافر . والله ماكنت ادري انه مايداوم كان يقولي انه رايح المدرسه 
المدير : اهاا لو ولدك ما داوم بكره رح ينطرد من المدرسه بشكل نهائي  خليه يجي ويداوم
ام خالد : ان شاء الله 
المدير : طيب في امان الله 
لمى : يما مين وايش يبغى ؟
ام خالد : هذا مدير مدرسه لؤي وقال انه ماداوم 3 اسابيع واذا بكره ماداوم بينطرد ولو ابوكم درا نروح فيها كلنا
سمر : طلع رهيب الولد احلى يالؤي 
لمى تطالع سمر بعين حمرا وتأشر لها انها تطلع الغرفه فوق
لمى : يما الحين وش الحل ؟
ام خالد : واللهد مادري مو هذا الولد بيجيب لي المصايب كلها
لمى : هدي لا تعصبي الحين وتتعبي نفسك 
ام خالد : وش اسوي لو ماراح بكرة بينطرد 
لمى : بس لو نلاقي واحد يشبهه ويروح المدرسه بداله
( ام خالد تطالع بلمى )
لمى : وش فيك يما خوفتيني
ام خالد : والله وجبتيها
لمى : كيف ؟
ام خالد : ندور على واحد يمثل دور لؤي انتي الحين روحي نامي وارتاحي وبعدين اقولك
لمى : طيب
( وقعدت ام خالد تفكر وجاتها فكرة انو لمى تشبه لؤي مررة وراحت غرفتها وطلعت صورة للمى ولؤي وهم صغار ولابسين نفس اللبس ويشبهون بعض مرره  وماقدرت تفرق بينهم وقالت في نفسها : بخلي لمى تكون لؤي لين مايرجع الاهبل هذا )

                                 نـهـايـه الـفـصـل الاول 

   *************************************************